Segja Rússa ekki líða spillingu lengur

Tugir þúsunda komu saman í Moskvu í gær til að vekja athygli á meintu kosningasvindli í þingkosningunum fyrr í þessum mánuði. Skipuleggjendur mótmælana segja Rússa ekki líða spillingu lengur.

Úrslit þingkosningana sem fóru fram fjórða desember hafa vakið mikla reiði í Rússlandi en margir saka flokk vladimirs pútíns forsætisráðherra um kosningasvindl. Putin hyggst bjóða sig fram til forseta rússlands á nýju ári en tugþúsundir mótmælenda strengdu þess heit í gær að kjósa hann ekki.

Mótmælendur komu saman í flestum héruðum rússlands í gær en stærst voru mótmælin í Moskvu. Rússneska innanríkisráðuneytið sagði tuttugu og áttaþúsund manns hafa komið saman þar en skipuleggjendur mótmælana segja það ekki rétt, um eitt hundrað og tuttugu þúsund manns hafi mótmælt þar í gær.

Fjölmiðlar greindu frá því í gær að Mikhail Gorbatsjov, fyrrum leiðtogi sovétríkjana, ætlaði sér að mæta og taka þátt í mótmælunum. Hann kom hins vegar ekki en sendi mótmælendum stuðningskveðjur þess í stað og sagði í viðtalið við Moscow echo, útvarpstöðina að Pútín ætti ekki að bjóða sig fram aftur til forseta.

Í viðtali við breska ríkisútvarpið sagði talsmaður pútins að hann væri sannfærður um að Pútín myndi fá góða kosningu og verða næsti forseti rússlands. Hann væri hæfari en samkeppnin.