Jarðskjálftar kosta flest mannslíf af náttúruhamförum

Jarðskjálftar eru þær náttúruhamfarir sem kosta flest mannslíf. Þannig fórust um 780 þúsund manns í jarðskjálftum á síðustu tíu árum eða um 60% allra þeirra sem fórust í náttúruhamförum á þessum tímabili. Þetta kemur fram í nýrri úttekt í breska læknatímaritinu Lancet.

Mannskæðasti jarðskjálftinn á síðustu tíu árum var á Haítí í janúar á síðasta ári en þá fórust yfir 300.000 manns. Sá jarðskjálfti var upp á 7 stig á Richter. Næst þar á eftir kemur jarðskjálftinn á Indlandshafi í desember árið 2004 en þá létust yfir 200.000 manns í flóðbylgjunni sem fylgdi í kjölfarið. Sá skjálfti mældist 9,1 stig á Richter.