Vilja opinbera rannsókn á tengslum dansks ráðherra við KGB

Stjórnarandstaðan á danska þinginu hefur krafist opinberrar rannsóknar á tengslum Ole Sohn viðskiptaráðherra landsins við KGB, fyrrum leyniþjónustu Sovéríkjanna sálugu.

Fjallað er um málið í helstu fjölmiðlum Danmerkur en það var Jyllands Posten sem birti í gær viðtal við KBG foringjann fyrrverandi, Nikolaj Sjatskikh. Nikolaj stjórnaði njósnum KGB í Danmörku á árabilinu 1984 til 1992. Nicolaj segir að danski kommúnistaflokkurinn hafi ítrekað þegið fjárstuðning frá Moskvu og að það hafi verið Ole Sohn sem tók við peningunum árin 1987 til 1991.

Ole Sohn var þessum tíma formaður miðstjórnar danska kommúnistaflokksins en gekk síðan í Sosialistiks Folkeparti eða Sósíalíska þjóðarflokkinn. Hann situr nú sem viðskiptaráðherra fyrir þann flokk í stjórn Helle Thorning Smith.

Sohn hefur ætíð haldið því fram að hann hafi aldrei þegið fjárstuðning frá Moskvu. Kaldastríðsagnfræðingurinn Thomas Wegener Friis segir KBG foringjann hinsvegar vera trúverðugan enda passi orð hans við fleiri upplýsingar sem til eru um þennan fjárstuðning.