Bolivía og Bandaríkin taka upp stjórnmálasamband að nýju

Stjórnvöld í Bólivíu og Bandaríkjunum hafa ákveðið að taka stjórnmálasamband upp að nýju þremur árum eftir að Evo Morales forseti Bólivíu skar á þetta samband með því að reka bandaríska sendiherrann heim.

Í samkomulagi sem undirritað var í Washington í gærdag ákváðu þjóðirnar tvær að vinna saman að því að draga úr fíkniefnasmygli. Bólivía er þriðji stærsti útflytjandi á kókaíni í heiminum. Samkomulagið hefur í för með sér að þjóðirnar munu mjög fljótlega skiptast á sendiherrum að nýju.