Einn öflugasti gervihnöttur sögunnar á braut um Jörðu

Einum öflugasta gervihnetti sem smíðaður hefur verið var skotið á braut um Jörðu með rússneskri Proton eldflaug í morgun.

Gervfihnötturinn ber nafnið Viasat-1 og er ætlað að þjónusta breiðbandsnotendur í Bandaríkjunum og Kanada. Afkastagetan er upp á 140 gígabæt á sekúndu og er Viasat-1 þar með öflugri en allir aðrir gervihnettir á þessu sviði samanlagt sem eru á braut yfir Bandaríkjunum.

Í frétt um málið á BBC segir að Proton eldfluginni hafi verið skotið á loft frá Baikonur geimstöðinni í Kazakhstan og gekk allt að óskum. Reiknað er með að Viasat-1 verði komið í fulla notkun á næsta ári. Hann mun þjóna viðskiptavinum Wildblue Communications. Fyrirtækið er þegar með yfir 400.000 viðskiptavini sem fá breiðbandstengingu í gegnum þrjá aðra gervihnetti.

Með tilkomu Viasat-1 getur fyrirtækið bætt við sig yfir milljón viðskiptavinum. Tom Moore forstjóri Wildblue segir að fjöldi viðskiptavina þeirra tvöfaldist á um þriggja ára fresti.