Boða til verkfalls í Oakland

Boðað hefur verið til verkfalls í næstu viku í Oakland. Aðgerðarsinnar í hreyfingunni Hernemum Oakland (e. Occupy Oakland) standa fyrir verkfallsboðinu.

Ákveðið var að boða til verkfalls eftir að fyrrum hermaður særðist alvarlega í mótmælunum fyrr í vikunni. Lögreglan í Oakland beitti táragasi og kylfum á mótmælendur á þriðjudaginn.

Í gærkvöldi voru um 1.000 manns samankomin fyrir utan ráðhúsið í Oakland. Enginn átök milli mótmælenda og lögreglu áttu sér stað í gær.

Mótmælaaldan sem hófst í New York fyrir sex vikum hefur dreifst í margar af stærstu borgum Bandaríkjanna.