Forðuðumst útrýmingu fyrir 100 árum

Vísindamenn telja að allt líf á jörðinni hafi naumlega sloppið við útrýmingu fyrir rúmlega 100 árum.

Stjarneðlisfræðingar á vegum Háskólans í Mexíkóborg og Cornell telja að athuganir vísindamannsins José Bonilla árið 1883 sanni að risavaxinn loftsteinn hafi flotið framhjá jörðinni.

Bonilla skráði alls 447 hluti sem birtust yfir næturhimninum, allir voru sveipaðir bláu gasskýi líkt og halastjörnur. Samtímamenn Bonilla gáfu lítið fyrir athuganirnar.

Nú telja vísindamenn hins vegar að hlutirnir sem Bonilla skráði hafi verið brot úr loftsteini sem brotnaði upp af völdum þyngdarafls Jarðar. Eftir að hafa unnið með gögn Bonilla telja vísindamennirnir nú að brotin hafi verið mun fleiri, eða um 3,275 talsins. Rúmmál hlutanna er gífurlegt og hefði einn af þeim hrapað á jörðina hefði það jafngilt 15 megatonna kjarnorkusprengju - sem er 1.000 öflugari sprenging en átti sér stað í Hiroshima. Talið er að brotin hafi verið í 800 til 6.000 kílómetra fjarlægð frá jörðinni.

Hefðu allir 3,275 hlutarnir skollið á jörðinni telja vísindamennirnir að allt líf hefði þurrkast út.

Vísindamennirnir telja einnig að loftsteinninn sem brotnaði upp hafi verið tæplega milljarður tonn að þyngd.