Ársfjórðungstölur Apple birtar

Tæknirisinn Apple tilkynnti í dag sölutekjur sínar fyrir síðasta ársfjórðung. Í yfirlýsingu frá fyrirtækinu kom fram að fyrirtækið hefði selt 17 milljón iPhone símtæki og 11 milljón iPad spjaldtölvur.

Hagnaður Apple var því 6.6 milljarðar dollara á síðasta ársfjórðungi. Það er ögn minna en búist var við og samsvarar hagnaðurinn því 7,05 dollurum á hlut. Sérfræðingar höfðu spáð 7,39 dollurum á hlut.

Tölurnar eru þær fyrstu sem birtast síðan fyrrverandi forstjóri og stofnandi Apple, Steve Jobs, féll frá. Núverandi forstjóri Apple, Tim Cook, tekur við fyrirtækinu þegar baráttan um yfirráð á snjallsímamarkaðinum stendur sem hæst.