Mótmælendahópar spretta upp víða í Bandaríkjunum

Mótmælendur í Bandaríkjunum segja fjöldahandtökurnar um helgina vera einungis til þess gerðar að efla baráttuanda þeirra. Mótmælendahóparnir hafa komið sér fyrir í almenningsgörðum og á gangstéttum. Mótmælin beinast gegn Wall Street og er barist gegn græðgi fjármálastofnanna.

Í dag hafa mótmælendahópar sprottið fram víða í Bandaríkjunum. Þar á meðal í Los Angeles, Maine o.fl. Talsmenn mótmælendanna vonast til þess að mótmælin dreifist yfir allt landið.

Mörg stéttarfélög í Bandaríkjunum hafa lýst yfir stuðningi við hreyfinguna. Fræga fólkið hefur einnig látið í sér heyra, Michael Moore og Susan Sarandon hafa lofað framtakið.