Eggert og Guðlaugur í eldlínunni í Skotlandi

Fimm leikir fóru fram í skosku úrvalsdeildinni í dag og fjölmörg mörk voru skoruð.

Guðlaugur Victor Pálsson og félagar í Hibernian gerðu 2-2 jafntefli við Dunfermline og lék Guðlaugur allan leikinn fyrir sitt félag .

Hearts vann frábæran sigur á St. Mirren 2-0 en Eggert Gunnþór Jónsson, leikmaður Hearts, lék einnig allan leikinn.

Hearts er í fjórða sæti deildarinnar með 12 stig en Hibernian er í næstneðsta sæti með fimm stig.

Toppliðin Celtic og Rangers mætast í risaleiknum í Skotlandi á morgun og verður leikurinn í beinni útsendingu á Stöð 2 Sport og hefst útsendingin klukkan 11:30.

Úrslit dagsins:

Dunfermline 2 - 2 Hibernian

Aberdeen 2 - 2 Kilmarnock

Dundee United 3 - 1 Inverness C.T.

Hearts 2 - 0 St. Mirren

Motherwell 0 - 3 St. Johnstone