Gary Neville: Landsliðsferillinn var algjör tímasóun

Fyrrverandi landsliðsmaður Englendinga í knattspyrnu, Gary Neville, segir við enska fjölmiðla að landsliðið eigi enga möguleika á því að vinna til verðlauna næsta áratuginn.

Neville viðurkenndi einnig að honum hafi oft á tíðum fundist landsliðverkefnin algjör tímasóun.

Þessi fyrrum leikmaður Manchester United tók þátt í þremur Evrópumótum og tveim Heimsmeistarakeppnum fyrir enska landsliðið.

„Miðað við ástandið á landsliðiðnu í dag þá þurfum við að bæta okkur mikið til að ná þeim bestu,“ sagði Neville.

„Þegar ég hugsa til baka og geri upp landsliðsferilinn minn þá kemur fyrst upp í hugann minn hversu mikil tímasóun þetta var“.

„Maður fær alltaf mikla gagnrýni á sig eftir stórmót og öll sú vinna sem leikmennirnir leggja á sig fyrir landsliðið er hreinlega ekki þess virði“.

„Það var alltaf meira virði fyrir mig að ná langt með félagsliði mínu heldur en landsliðinu,“ bætti Neville við að lokum.