Michele Bachmann lofar því að lækka bensínverð

Michele Bachmann eitt af forsetaefnum Repúblikanaflokksins er byrjuð að gefa ýmis kosningaloforð sem vakið hafa athygli vestan hafs.

Fjallað er um eitt þeirra á CNN Money. Bachmann lofar því að hún muni sjá til þess að verð á bensíni fari niður fyrir 2 dollara á gallonið eða niður í um 50 krónur á lítrann komist hún til valda. Verðið er sem stendur 3,5 dollari á gallonið.

CNN Money segir að þarna sé Bachmann komin út á hálann ís því að verð á olíu ræðst á alþjóðlegum markaði sem Hvíta húsið hefur litla sem enga stjórn á.