Fer Tevez til Inter í skiptum fyrir Eto‘o?

Forráðamenn enska úrvalsdeildarliðsins Manchester City og Inter frá Ítalíu eru í viðræðum um leikmannaskipti samkvæmt heimildum breska dagblaðsins Telegraph. Viðræðurnar snúast um að Argentínumaðurinn Carlos Tevez fari til Inter í skiptum fyrir Samuel Eto‘o, landsliðsframherjann frá Kamerún

Liðin eru bæði í Dublin á Írlandi þar sem þau taka þátt á æfingamóti ásamt Celtic frá Skotlandi. Man City og Inter mætast á morgun á þessu móti.

Verðmiðinn á leikmönnunum er um 40 milljónir pund eða sem nemur 7,5 milljörðum kr. Man City keypti Sergio Agüero á dögunum fyrir um 38 milljón pund en hann er argentínsku landsliðsmaður líkt og Tevez.

Man City reyndi að fá Eto‘o í sínar raðir á svipuðum tíma og þeir fengu Carlos Tevez en samningar náðust ekki eftir langt samningaferli við forráðamenn Barcelona þar sem Eto‘o var leikmaður á þeim tíma.

Eto‘o, sem er þrítugur, vill gera einn stóran samning áður en hann endar ferilinn og er  hann sagður áhugasamur um að komast í Man City liðið.