Leikmenn Víkinga máttu ekki tjá sig - Bjarnólfur biður um tíma

Leikmenn Víkinga fengu ekki að fara í viðtöl eftir að hafa beðið afhroð á Akureyri í dag. Bjarnólfur Lárusson, nýráðinn þjálfari, svaraði spurningum blaðamanna og var lítinn bilbug á honum að finna.

"Þetta sýnir hvar við erum staddir í dag. Við höfum aðeins fengið þrjá daga til að koma okkar hlutum í kring og við munum halda því áfram núna," sagði Bjarnólfur.

"Það er mikið verk að vinna, það verður ekkert vandamál," sagði þjálfarinn um það hvort liðið væri í verra standi en hann bjóst við.

"Þetta mun taka sinn tíma en við þurfum að nýta hann vel," sagði Bjarnólfur.