Þorvaldur: Ég er í ánægjulegu starfi og ætla að halda því áfram

Þorvaldur Örlygsson þjálfari Framara var grautfúll í samtali við fréttamann skömmu eftir tapleik sinna manna gegn ÍBV.

„Mér fannst þetta arfaslakt frá upphafi til enda. Ég veit vel að strákarnir geta sýnt miklu betri spilamennsku en þetta, örlítið líf færðist í leik okkar við skiptingarnar en svo kom uppgjöf í þetta eftir að þeir skora seinna markið. Það er samt sem áður nóg eftir að mótinu eða heilir 10 leikir og það þýðir ekkert að hætta að berjast í þessu“.

Aðspurður hvort Þorvaldur væri byrjaður að íhuga stöðu sína sem þjálfari hafði Þorvaldur þetta að segja. „ Ég hef ekkert íhugað stöðu mína sem þjálfari, ég er í ánægjulegu starfi og ætla að halda því áfram“