Guðmundur Reynir bestur í fyrri umferðinni - lið umferðarinnar

KR-ingurinn Guðmundur Reynir Gunnarsson var valinn besti leikmaður fyrri hluta Pepsi-deildar karla í knattspyrnu. KR-ingar eiga fimm leikmenn í liðinu en Valsmenn þrjá. Rúnar Kristinsson var valinn besti þjálfarinn.

Lið umferða 1-11 var kynnt í hádeginu á blaðamannafundi í Ölgerðinni. Liðið er þannig skipað:

Markvörður

Hannes Þór Halldórsson KR

Varnarmenn

Magnús Már Lúðvíksson KR

Guðmundur Reynir Gunnarsson KR

Eiður Aron Sigurbjörnsson ÍBV

Jónas Tór Næs Valur

Tengiliðir

Bjarni Guðjónsson KR

Haukur Páll Sigurðsson Valur

Guðjón Pétur Lýðssvon Valur

Framherjar

Kristinn Steindórsson Breiðablik

Tryggvi Guðmudsson ÍBV

Óskar Örn Hauksson KR

Þjálfari umferða 1-11 er Rúnar Kristinsson þjálfari KR en liðið er á toppi deildarinnar þegar mótið er hálfnað og enn ósigrað.

Framarar áttu sinn fulltrúa á verðlaunaafhendingunni því dómari umferða 1-11 er Erlendur Eiríksson málarameistari.

Þá hlutu stuðningsmenn KR verðlaun sem bestu stuðningsmennirnir fyrri hluta móts. Reyndar hlutu stuðningsmenn Þórs á Akureyri jafnmörg atkvæði en stuðningsmenn KR höfðu betur þegar kom að háttvísi.