Samkynhneigðir Indverjar æfir út í heilbrigðisráðherrann

Ráðherra heilbrigðismála á Indlandi hefur verið harðlega gagnrýndur fyrir nýleg ummæli sín í garð samkynhneigðra en ráðherrann sagði á dögunum að samkynhneigð væri sjúkdómur sem smitaðist nú hratt manna í millum í landinu.

Ástir samkynhneigðra voru lengi vel bannaðar á Indlandi en árið 2009 var ákveðið að afnema bannið. Þessu var fagnað innilega af baráttumönnum samkynhneigðra sem nú eru æfir út í ráðherrann, sem segir samkynhneigð ónáttúrulega.

Hann bætti því við að erfitt væri að greina sjúkdóminn og þar af leiðandi að lækna hann.