Blaðahneyksli í Bretlandi: Andy Coulson handtekinn

Andy Coulson, fyrrverandi ritstjóri News of the World og fyrrverandi blaðafulltrúi forsætisráðherra Bretlands er í haldi lögreglu sem rannsakar nú ásakanir á hendur ritstjórn blaðsins um að símar þúsunda einstaklinga hafi verið hleraðir á nokkurra ára tímabili.

Málið hefur vakið gríðarlega athygli og hefur hörð gagnrýni beinst að David Cameron forsetaráðherra og hann sakaður um dómgreindarleysi þegar hann réð Coulson til starfa. Hann hrökklaðist úr starfinu þegar málið kom fyrst upp fyrir nokkru síðan. Cameron segir að þeir Coulson hafi verið vinir og að hann hafi staðið sig vel í starfi blaðafulltrúa.