Medvedev ekki fram gegn Putin

Dmitry Medvedev forseti Rússlands segir að hann muni ekki bjóða sig fram gegn Vladimir Putin í forsetakosningunum á næsta ári. Medvedev gaf í skyn að ekki væri búið að ákveða hvor þeirra byði  sig fram. Putin skipti yfir í stól forsætisráðherra árið 2008 eftir að hafa setið sem forseti í tvö kjörtímabil. Samkvæmt rússnesku stjórnarskránni má forseti ekki sitja lengur í embætti.

 

Gengið var út frá því strax í upphafi að Medvedev myndi bara halda forsetastólnum volgum fyrir Putin í eitt kjörtímabil. Undanfarnar vikur hefur Medvedev hinsvegar látið orð falla sem benda til þess að hann vilji sitja áfram. Í viðtali við BBC um helgina sagði hann hinsvegar að þótt hann vildi gjarnan gegna embættinu lengur muni hann ekki bjóða sig fram ef Putin geri það.