Umfjöllun: Fylkir áfram á góðri siglingu

Fylkir gerði góða ferð á Víkingsvöll í kvöld þar sem liðið lagði heimamenn í Víking sannfærandi 3-1. Fylkir var betra liðið nær allan leikinn og þegar Víkingar komu sér inn í hann með jöfnunarmarki svöruðu gestirnir jafnharðan í tvígang og gerðu út um leikinn.

Fyrri hálfleikur var ekki sá opnasti en Fylkir var alltaf með yfirhöndina og var verðskuldað yfir í hálfleik þegar Ingimundur Níels skoraði eftir frábæran undirbúning Andrésar Más. Það var eina skot liðanna sem rataði á markið í hálfleiknum en seinni hálfleikur hófst með látum.

Víkingar ætluðu augljóslega að láta Fylki hafa verulega fyrir hlutunum og náðu að jafna eftir innan við sjö mínútna leik. Mínútu síðar skoraði Baldur Bett glæsilegt mark þar sem hann hamraði boltann með vinstri upp í samskeytin. Óverjandi. Sex mínútum síðar gerði Albert Brynjar út um leikinn eftir sendingu frá Ingimundi og úrslitin í raun ráðin.

Víkingar náðu ekkert að ógna marki Fylkis það sem eftir lifði leiks að neinu viti en Fylkir hefði hæglega getað bætt við mörkum. Það er því ekki hægt að segja annað en að Fylkir hafi unnið sanngjarnan sigur en liðið er nú með 13 stig í þriðja sæti deildarinnar en Víkingur er í 10. sæti með sex stig og þurfa að bæta sig mikið ætli fallbaráttan ekki að vera þeirra hlutskipti í sumar.

Víkingur-Fylkir 1-30-1    Ingimundur Níels Óskarsson ´33

1-1    Pétur Georg Markan ´52

1-2    Baldur Bett ´53

1-3    Albert Brynjar Ingason ´59

Víkingsvöllur. Áhorfendur: 1268

Dómari: Kristinn Jakobsson 7

Tölfræðin:

Skot (á mark): 5-7 (2-3)

Varið: Magnús 1 – Fjalar 1

Hornspyrnur: 0-1

Aukaspyrnur fengnar: 5-12

Rangstöður: 1-5

Víkingur 4-3-3:

Magnús Þormar 4

Þorvaldur Sveinn Sveinsson 5

Egill Atlason 5

Mark Rutgers 5

Hörður Sigurjón Bjarnason 4

Milos Miojevic 3

Halldór Smári Sigurðsson 6

Baldur Ingimar Aðalsteinsson 4

Pétur Georg Markan 4

(87. Kjartan Dige Baldursson -)

Marteinn Briem 6

(35. Aron Elís Þrándarson 4)

Helgi Sigurðsson 4

(65. Viktor Jónsson 5)

Fylkir 4-3-3:

Fjalar Þorgeirsson 5

Andri Þór Jónsson 6

Kristján Valdimarsson 6

Þórir Hannesson 6

Tómas Þorsteinsson 7

Ásgeir Börkur Ásgeirsson 8

Gylfi Einarsson 7

Baldur Bett 7

(87. Davíð Þór Ásbjörnsson -)

Andrés Már Jóhannesson 7

(67. Rúrik Andri Þorfinnsson 5)

Ingimundur Níels Óskarsson 8 - maður leiksins -

Albert Brynjar Ingason 7

(86. Jóhann Þórhallsson -)