Agger spilar ekki meira á þessu tímabili

Daniel Agger, varnarmaður Liverpool, mun ekki spila meira með liðinu á þessari leiktíð vegna meiðsla á hné. Agger meiddist í leiknum gegn WBA um síðustu helgi.

Agger hefur verið afar óheppinn með meiðsli á þessari leiktíð og missti út þrjá mánuði fyrr í vetur.

"Hann getur ekki æft í tvo mánuði og þetta er búið hjá honum á þessari leiktíð," sagði Kenny Dalglish, stjóri Liverpool.

Glen Johnson þarf einnig að hvíla sig aðeins vegna meiðsla sem hann hlaut í sama leik.