Sarkozy og Cameron rifust eins og hundur og köttur

Til harðra orðasskipta kom milli NIcolas Sarkozy Frakklandsforseta og David Cameron forsætisráðherra Bretlands á toppfundi Evrópuleiðtoganna um helgina.

Sarkozy lét Cameron heyra það óþvegið og sagðist vera orðinn dauðþreyttur á eilífri gagnrýni Camerons og haturs hans í garð evrunnar. Nú geri Cameron svo kröfu um að vera með í björgun evrunnar.

Að sögn breska blaðsins Daily Telegraph átti Cameron þó síðasta orðið í þessum deilum því löndin tíu innan Evrópusambandsins, sem standa utan evrunnar, verða með í að móta komandi aðgerðir evruríkjanna gegn skuldakreppunni.