Brenndi lúxusbíla í Berlín

Lögreglan í Berlín hefur handtekið 27 ára mann fyrir að hafa kveikt í yfir 100 bílum. Óttast var að árásirnar væru pólitískar en svo reyndist ekki.

Maðurinn, sem er heimilislaus og skuldugur, segist hafa kveikt í 67 bílum á milli júní og ágúst. Ekki er talið að maðurinn hafi kveikt í bílunum af pólitískum ástæðum, mun frekar var um félagslega öfund að ræða.

Mikið hefur verið um bruna í bílum það sem af er árinu í Belín. Alls hafa 470 bílar orðið eldi að bráð - aðallega lúxusbifreiðar.