Van Persie með tvö í sigri Arsenal

Arsenal vann öruggan sigur á West Ham í síðasta leik dagsins í ensku úrvalsdeildinni. Robin van Persie skoraði tvö mörk og Theo Walcott eitt.

Lokatölur voru því 0-3 fyrir Arsenal en samkvæmt heimildum BBC var þetta síðasti leikur Avram Grant með West Ham. Félagið hefur þó neitað því.

Van Persie skoraði fyrsta markið á þrettándu mínútu en Walcott rétt fyrir lok fyrri hálfleiks með skoti upp undir þaknetið.

Van Persie skoraði svo úr víti á 77. mínútu.

Arsenal er nú í þriðja sæti deildarinnar, fjórum stigum á eftir Manchester United sem er í öðru sæti og fimm á eftir toppliði Manchester CIty.