Þjóðaratkvæðagreiðsla sendir skýr skilaboð

Ólafur Elíasson, einn af forsvarsmönnum InDefence hópsins, segir að samstaða sé eina vopn Íslendinga í Icesave deilunni við Hollendinga og Breta. Þjóðaratkvæðagreiðsla sendi skýr skilaboð. „Með þjóðaratkvæðagreiðslunni getum við sagt Bretum og Hollendingum að það eru takmörk fyrir því hversu langt við erum til í að ganga."

Alþingi samþykkti á áttunda tímanum í kvöld frumvarp ríkisstjórnarinnar um þjóðaratkvæðagreiðslu vegna Icsave laganna sem Alþingi samþykkti fyrir rúmri viku og forsetinn neitaði að staðfesta. Þjóðatkvæðagreiðsla um lögin sem fer fram í síðasta lagi 6. mars.

Ólafur segir mikilvægt að íslenska þjóðin krefjist sanngjarna Icesave samninga. Samstaða sé það eina koma til greina. „Það hljóta allir að sjá að það geti ekki undir neinum kringumstæðum verið þjóðinni hagfellt að við komum ekki saman sem ein rödd í þessu máli," segir Ólafur.