Nýta síðustu klukkustundirnar

Íhaldsflokkurinn nær ekki hreinum meirihluta í bresku þingkosningunum sem fram fara á morgun ef eitthvað er að marka skoðanakannanir sem breskir fjölmiðlar birtu í kvöld. Líkt og í fyrri könnunum hafa íhaldsmenn enn nokkra forystu á Verkamannflokkinn og Frjálslynda demókrata en forskotið dugar flokknum ekki til að ná meirihluta þingmanna.

Bretar ganga að kjörborðinu á morgun og fara leiðtogar flokkanna og frambjóðendur þeirra nú um víðan völl og reyna að sannfæra kjósendur um ágæti sitt og flokka sinna.

Síðustu áratugi hafa Verkamannaflokkurinn og Íhaldsflokkurinn

skipst á að halda um stjórnartaumanna í Bretlandi. Verkamannaflokkurinn hefur haft meirihluta á breska þinginu í 13 ára en nú á flokkurinn á brattann að sækja. Íhaldsflokkurinn mælist með 35-37% fylgi í þeim skoðanakönnunum sem birtar voru í kvöld, Verkmannaflokkurinn með 27-29% og Frjálslyndir demókratar 26-29%.

Stjórnmálaskýrendur benda á að milljónir kjósenda eigi enn eftir að gera upp hug sinn. Þá hafi skoðanakannanir oft vanmetið fylgi íhaldsmanna og því séu úrslitin langt því frá ráðin. Margt geti breyst næsta sólarhringinn.