Boateng datt um drykkjarvagn í flugvél og verður frá í mánuð

Jerome Boateng verður að bíða í mánuð eftir því að spila sinn fyrsta leik fyrir Manchester City. Ástæðan eru meiðsli sem hann hlaut á einkar klaufalegan hátt.

Boateng var um borð í flugvél þegar hann hrasaði um vagn þar sem drykkjarvörur eru geymdar. Hann reif liðþófa í vinstra hnénu þegar hann datt.

Hann getur ekki byrjað að æfa fyrr en í lok september.

"Auðvitað bjóst ég við að byrjunin mín hjá City yrði allt öðruvísi," sagði Boateng svekktur.

Hann missir einnig af tveimur landsleikjum Þjóðverja í undankeppni EM. Hann gekk í raðir City í sumar frá Hamborg.