Bradley færist nær Villa

Bob Bradley, landsliðsþjálfari Bandaríkjanna í knattspyrnu, segir að það væri heiður að fá að spjalla við Randy Lerner, eiganda Aston Villa, um að verða næsti þjálfari liðsins. Martin O'Neil sagði stöðu sinni lausri á dögunum eftir ósætti við Lerner.

Bradley náði góðum árangri með bandaríska liðið á HM í sumar og hefur verið titlaður sem næsti stjóri Villa og þá skemmir ekki fyrir að eigandinn er bandarískur. „Það væri heiður að fá að spjalla við Randy Lerner. Við höfum ekkert rætt saman en umboðsmaðurinn minn hefur fengið fyrirspurnir um stöðu mína," sagði Bradley.

Hann er með samning um að stýra bandaríska liðinu þar til í júní á næsta ári en Bradley hefur alltaf verið spenntur fyrir þjálfun í Evrópu og því gæti Villa orðið næsti áfangastaður hjá Bradley.

„Við sjáum hvað setur. Þjálfun í Evrópu hefur alltaf heillað en ég er einnig mjög stoltur af þeim árangri sem við höfum náð með bandaríska liðið," segir Bradley. Fyrrum aðstoðarþjálfari O'Neill, Kevin McDonald, stýrir liði Villa á meðan leit af nýjum þjálfara stendur en liðið mætir Newcastle í annarri umferð á St. James' Park í dag.