Arsenal - Stoke líka frestað

Alls hefur fjórum leikjum nú verið frestað í ensku úrvalsdeildinni í dag en viðureign Arsenal og Stoke bættist í þann hóp nú í hádeginu.

Það var mikil snjókoma á Bretlandi í nótt og aðstæður taldar erfiðar fyrir stuðningsmenn sem vilja koma sér á völlinn.

Meira en 50 knattspyrnuleikjum víða um Bretland hefur verið frestað í dag, auk annarra íþróttaviðburða.

Leikur Sunderland og Bolton fer fram kl 12.45 og er enn áætlað að viðureign Blackburn og West Ham fari fram kl 15.00.