Heimir: Þjálfun er ástríða hjá mér

Heimir Hallgrímsson segist vera ákaflega ánægður með að hafa framlengt samningi sínum við ÍBV en hann verður áfram með liðið næsta sumar.

"Ég hef alltaf verið með þriggja mánaða uppsagnarákvæði í mínum samningum. Þá get ég hætt ef ég vil og menn rekið mig ef þeir vilja ekki halda mér," sagði Heimir við Vísi í dag.

"Þjálfun er líka ástríða hjá mér en ekki fullt starf eins og hjá svo mörgum. Ég gat ekki hætt núna á meðan vel gengur. Ég vil vera áfram meðan vel gengur."

Heimir segir spennandi tíma fram undan í Eyjum og liðið ætlar sér stóra hluti næsta sumar en þá mun ÍBV einnig taka þátt í Evrópukeppninni.

Nánar er rætt við Heimi í Fréttablaðinu á morgun.