Konur vilja karlmenn sem eiga iPhone

Bresk rannsókn sýnir að konur líta karlmenn sem eiga iPhone hýrari augum en karla sem ekki eiga iPhone. Ástæðan er ekki sú að iPhone símarnir séu í sjálfu sér svo kynþokkafullir heldur gefa símareikningarnir það til kynna að mennirnir séu álitlegri en ella.

Farsímafyrirtækið Phones 4U sem rekur 350 verslanir á Stóra-Bretlandi og Norður-Írlandi hefur kannað málið. Um 1500 konur voru spurðar út í afstöðu þeirra. Þar af sögðu 54% konur að þær vildu frekar fara á stefnumót með karlmanni sem ætti Apple iPhone en karlmanni með annarskonar síma.

Bloomberg segir að þegar iPhone símar eru seldir seljist þeir yfirleitt með samningum sem feli í sér skuldibindingar um símanotkun til langs tíma. Það gefur ef til vill til kynna að iPhone eigendur séu sterkefnaðir og gæti verið ástæðan fyrir því að konur telji að karlmenn sem eiga iPhone séu álitlegri kostur til að fara á stefnumót með en aðrir karlmenn.

Eflaust gleður það marga því að á fyrstu þremur mánuðum ársins 2010 seldi Apple tæplega 8,8 milljónir iPhone, þar af tvær milljónir i Stóra-Bretlandi. Þrír af hverjum fjórum símum eru keyptir af mönnum á aldrinum 18-40 ára, samkvæmt tölum Phones 4U. Fyrirtækið segir jafnframt að það sé mjög vinsælt að hlaða niður stefnumótavefsíðum á símunum.