Bikarævintýri FC United heldur áfram

FC United er enn á lífi í ensku bikarkeppninni eftir að hafa gert dramatískt 1-1 jafntefli gegn Brighton í dag.

FC United var stofnað árið 2005 af stuðningsmönnum Manchester United sem voru óánægðir með að Glazer-fjölskyldan hafi keypt félagið.

Liðið spilar í Evo-Stik deildinni, fjórum deildum fyrir neðan Brighton sem er á toppnum í ensku C-deildinni.

FC United komst yfir í leiknum með marki Nicky Platt í lok fyrri hálfleiks.

En liðið missti svo mann af velli með rautt spjald og Mauricio Taricco jafnaði svo metin fyrir Brighton á 83. mínútu.

En Sam Ashton markvörður reyndist hetja FC United en hann varði vítaspyrnu Elliott Bennett í uppbótartíma.

Leikurinn fór fram á heimavelli Brighton og mætast liðin því að nýju á heimavelli FC United.