Drengur með Asperger eyddi ellefu dögum í neðanjarðarlest

Þrettán ára piltur með Asperger heilkennin fannst í neðanjarðarlest í New York eftir ellefu daga leit yfirvalda samkvæmt AP fréttastofunni. Móðir drengsins, Marisela Garcia, gagnrýnir lögregluna harkalega fyrir að hafa ekki brugðist nógu hratt við þegar tilkynnt var um hvarfið.

Lögreglan heldur því fram að hún hafi gert allt sem í hennar valdi stóð til þess að finna drenginn sem eyddi ellefu dögum í neðanjarðarlestum án þess að yfirvöld tækju eftir því. Garcia vill meina að hvarfið hafi ekki verið tekið alvarlega því hún á uppruna sinn að rekja til Mexíkó.

Lögreglan fann drenginn í neðanjarðarlest nálægt Coney Island. Hann hafði leitað þangað eftir að hann komst í vandræði í skólanum og óttaðist að vera skammaður heima hjá sér.

Hann ferðaðist með ýmsum lestum og sagði móður sinni að hann hefði notað klósett í lestunum þegar hann þurfti að hægja á sér. Svo lifði hann á vatni og snakki.

Drengurinn var ekki illa haldinn þegar hann fannst. Asperger heilkennin er væg útgáfa af einhverfu.