Landsliðsþjálfarinn suðar í Van der Sar

Bert van Marwijk, landsliðsþjálfari Hollendinga í knattspyrnu, hefur viðurkennt að hafa suðað enn og aftur í markverðinum Edwin van der Sar hjá Manchester United um að snúa aftur í landsliðið.

Markvarðarstaðan hefur oft verið betur mönnuð hjá hollenska landsliðinu og mikil meiðsli hafa líka sett strik í reikninginn hjá þeim appelsínugulu.

"Ég hringdi aftur í Edwin gegn minni betri vitund af því við erum í vandræðum. Ég vissi hvert svar hans yrði, en ég hringdi samt," sagði landsliðsþjálfarinn.