Young er ekki til sölu

Martin O'Neill, knattspyrnustjóri Aston Villa, segir að félög geti strokað Ashley Young út af óskalista sínum. Hann segir að þessi eldsnöggi leikmaður sé einfaldlega ekki til sölu.

„Við höfum ekki íhugað það eitt andartak að selja hann," sagði O'Neill. „Þó einhver myndi rétta mér 50 milljónir punda þá myndi ég segja nei. Auðvitað er þetta í höndum stjórnarformannsins en ég hef talað við hann og hann ætlar ekki að selja hann. Ég gæti ekki verið ákveðnari í þessum málum, Young er ekki til sölu."

Young hefur í sumar verið orðaður við mörg lið, þar á meðal ensku liðin Liverpool, Tottenham og Chelsea. Auk þess hafa Evrópumeistarar Barcelona sýnt honum áhuga.