Tekist á um örlög katta í Kína

Í Kína berjast dýraverndunarsinnar og þeir sem vilja halda í gamlar hefðir um örlög katta í landinu. Verndarsinnar vilja að þeir fái allir um frjálst höfuð að strjúka. Hinir vilja áfram fá að leggja sér ketti til munns. Fréttastofa varar viðkvæma við myndskeiðinu sem fylgir fréttinni.

Dæmi eru um ketti sem sitja í yfirfullum búrunum í ríflega þrjátíu gráðu hita á markaði í suðurhluta Kína. Kaupendur ætla ekki að hafa þá sem gæludýr heldur ætla þeir að elda þá. Kattakjöt þykir lostæti í Kína og segja læknar að hægt sé að styrkja beinin með því að borða ketti. Talið er að um tíu þúsund kettir séu seldir á degi hverjum í einni kínverskri borg. Þeir eru matreiddir á ýmsan máta í kebab eða kássu.

Ekki vilja allir sölumenn þó vekja athygli á þessum viðskiptum.

Á veitingastað eina geta viðskiptavinir keypt sér lifandi dýr og látið matreiða. Skjaldbökur, snáka, fasana eða þá heimilisketti. Hægt er að láta blanda þessu svo öllu saman í kássu.

En breyting er að eiga sér stað í matarvenjum Kínverja sem þó þykir til marks um stéttarskiptingu. Þeir sem hafa efni á að eiga gældýr hugsa til þess með hryllingi að borða ketti. Fátækara fólk segist þurfa að lifa og sér ekki þörf á dýravernd enda ekkert í kínverskum lögum sem bannar beinlínis illa meðferð á dýrum. Flestir kettir í Kína sem seldir eru til matar eru ekki aldri til þess heldur gæludýr sem stolið er af eigendum.

Fjölmargir verndarhópar fyrir ketti hafa sprottið upp í Kína. Liðsmenn ráðast á veitingastaði og kattamarkaði og reyna að bjarga dýrum og vekja skömm hjá sem selji ketti og borði.

En baráttan heldur áfram milli verndarsinna og þeirra sem vilja halda í gamlar hefðir.