NATO fyrirgefur Rússum vegna Georgíu

Rússar fagna því að NATO skuli hafa ákveðið að taka aftur upp samband við Moskvu á æðstu stöðum. Því sambandi var slitið eftir fimm daga stríð Rússlands og Georgíu á síðasta ári.

Georgía vill ganga í NATO sem Rússum er lítt þóknanlegt. Þeir ögruðu Georgíu mánuðum saman þartil Mikael Saakashvili forseti tók það óheillaskref að gera innrás í aðskilnaðarhéraðið Suður-Ossetíu.

Rússneskt herlið hrakti Georgíumenn til baka og hertók land í Georgíu um nokkurra vikna skeið.

Rússar vorðu harðlega gagnrýndir á alþjóðavettvangi og NATO sleit fyrrnefndu sambandi.

Við kalt mat á málinu síðan hafa menn komist að þeirri niðurstöðu að Georgíumenn hafi í raun ekkert hagað sér betur en Rússar.

Því hefur þeim síðarnefndu nú verið fyrirgefið. Allavega nógu mikið til þess að taka upp náið samband á nýjan leik.