Fulltrúadeildin samþykkti loftslagsfrumvarpið

Fulltrúadeild Bandaríkjaþings samþykkti í gær með naumum meirihluta loftslagsfrumvarp sem ætlað er að draga úr loftmengun. Samþykki öldungadeildin einnig frumvarpið þurfa fyrirtæki í orkufrekum iðnaði að draga úr útblæstri gróðurhúslofttegunda um 17% fyrir árið 2020.

Frumvarpið var samþykkt með 219 atkvæðum gegn 212.

Barack Obama, Bandaríkjaforseti, lagði í kosningabaráttu sinni áherslu á nauðsyn þess að draga útblæstri gróðurhúsalofttegunda svo hægt væri að vinna gegn hlýnun jarðar. Obama var afar ánægður með niðurstöðu fulltrúadeildarinnar og sagði hana djarfa enn nauðsynlega.