Innlent

Meirihlutinn enn einu sinni sprunginn í Grindavík

Þriðji bæjarstjórnarmeirihlutinn í Grindavík á kjörtímabilinu er fallinn eftir að tveir bæjarfulltrúar Vinstri grænna slitu meirihlutasamstarfi sínu við Framsóknarflokk og Samfylkinguna í gærkvöldi. Þeir hafa um leið óskað eftir viðræðum við Sjálfstæðisflokk og Samfylkingu um meirihlutasamstarf.

Í tilkynningu frá bæjarfulltrúunum segir að í ljósi þess að bæjarfulltrúar B-lista hafa hugsað sér það fyrirkomulag að hafa engan bæjarstjóra starfandi til vors geti bæjarfulltrúar Vinstri grænna í bæjarstjórn Grindavíkur ekki stutt núverandi meirihluta B- og S-lista. „Grindavíkurbær þarf á styrkri hönd við stýrið til að takast á við þau mörgu mikilvægu mál sem framundan eru. Með von um jákvætt og gott samstarf með bæjarstjóra við stýrið." Undir yfirlýsinguna rita bæjarfulltrúarnir Björn Haraldsson og Garðar Páll Vignisson.

Þá hafa þeir félagar sent bréf til Sjálfstæðisflokks og Samfylkingar þar sem óskað er eftir viðræðum um meirihlutasamstarf með það að leiðarljósi að hafa bæjarstjóra í fullu starfi til vors auk þess að vinna að framgangi góðra mála.

Síðasti bæjarstjóri Grindavíkur, Jóna Kristín Þorvaldsdóttir, lét nýverið af störfum þegar hún var skipuð sóknarprestur í Kolfreyjustaðaprestakalli.




Tengdar fréttir

Hætt og hafnar biðlaununum

„Samkvæmt samningi um launakjör bæjarstjóra er gert ráð fyrir sex mánaða biðlaunum. Undirrituð hefur hafnað þeim," segir Jóna Kristín Þorvaldsdóttir, sem um mánaðamótin lætur af starfi bæjarstjóra í Grindavík til að gerast sóknarprestur á Fáskrúðsfirði.

Bæjarstjóri með hjartsláttartruflanir

Jóna Kristín Þorvaldsdóttir bæjarstjóri í Grindavík var lögð inn á Landspítalann í gær eftir að hafa fengið hjartsláttartruflanir. Hún fékk að fara heim í dag en var fyrirskipað af læknum að taka því rólega á næstunni og verður undir eftirliti.

Bæjarstjórinn í Grindavík: Óróleikinn auðvitað slæmur

„Óróleikinn er auðvitað afar slæmur og það er ekki síst íbúanna og byggðarinnar vegna,“ segir Jóna Kristín Þorvaldsdóttir, bæjarstjóri í Grindavík, um stöðu mála í bæjarfélaginu en mikill óróleiki hefur verið í bæjarpólitíkinni í Grindavík undanfarið ár.

VG ver minnihlutastjórnina í Grindavík

Bæjarfulltrúar Vinstri grænna, Samfylkingar og Framsóknarflokksins í Grindavík hafa undirritað samkomulag sem felur í sér að fulltrúar VG verja minnihlutastjórn Samfylkingar og Framsóknar með hlutleysi sínu út kjörtímabilið. Þar með er þeirri óvissu sem skapaðist þegar að annar af tveimur bæjarfulltrúum Samfylkingarinnar gekk í VG lokið.

Útúrsnúningar og aulaafsakanir í Grindavík

Sjálfstæðisfélag Grindavíkur sá ástæðu til að snupra oddvita sinn í bæjarstjórn vegna skrifa hans á heimasíðu Grindavíkurbæjar. Pistillinn er afar harðorður í garð fráfarandi bæjarstjóra þar sem bæjarstjórinn er meðal annars sagður hafa verið með útúrsnúninga og aulaafsakanir í fjölmiðlum. Búið er að fjarlægja pistillinn af vef bæjarfélagins og auk þess hefur honum verið talsvert breytt á heimasíðu oddvitans.

Síðasti bæjarstjórnarfundur bæjarstjórans

Jóna Kristín Þorvaldsdóttir, bæjarstjóri í Grindavík, sat sinn síðasta bæjarstjórnarfund í gærkvöldi en hún tekur við sem sóknarprestur í Kolfreyjustaðarprestakalli um næstu mánaðarmót. Ekki hefur verið greint frá því hver verður eftirmaður Jónu Kristínar í embætti bæjarstjóra.

Bæjarstjóra langar í brauð

Grindavík Bæjarstjórinn í Grindavík, Jóna Kristín Þorvaldsdóttir, hefur sótt um embætti sóknarprests í Kolfreyjustaðarprestakalli í Austfjarðaprófastsdæmi.

Óstarfhæf bæjarstjórn í Grindavík

Meirihlutinn í bæjarstjórn Grindavíkur er orðinn að minnihlutastjórn eftir að Samfylkingarmaðurinn Garðar Páll Vignisson sagði sig úr Samfylkingunni og gekk yfir í Vinstri græna.

Jóna Kristín afsalar sér biðlaunum

Jóna Kristín Þorvaldsdóttir, fráfarandi bæjarstjóri í Grindavík, mun afsala sér rétti til biðlauna þegar hún lætur af embætti bæjarstjóra um mánaðarmótin nóvember-desember. Ekki hefur verið tekin ákvörðun um hver eftirmaður hennar verður en það skýrist fljótlega.

Verðandi prestur bæjarstjóri næstu mánuði

Jóna Kristín Þorvaldsdóttir, sem er nýráðinn sóknarprestur við Kolfreyjuprestakall í Austfjarðarprófastsdæmir, mun sinna störfum sem bæjarstjóri Grindavíkur næstu tvo til þrjá mánuði. Þetta kemur fram í yfirlýsingu frá meirihluta bæjarstjórnar Grindavíkur.

Valnefndin vill Jónu Kristínu

Valnefnd Kolfreyjustaðarprestakalls ákvað á fundi sínum fimmtudaginn 27. ágúst að leggja til að sr. Jóna Kristín Þorvaldsdóttir verði skipaður sóknarprestur í Kolfreyjustaðarprestakalli. Embættið veitist frá 1. september næstkomandi.

Mest lesið


Fleiri fréttir

Sjá meira


×

Mest lesið