Meintur stríðsglæpamaður þarf að mæta fyrir dóm

Dómstóll í Munchen í Þýskalandi úrskurðaði í dag að John Demjanjuk, meintur stríðsglæpamaður, skuli mæta fyrir rétt. Hann er er sagður hafa aðstoðað við að myrða þúsundir gyðinga þegar hann starfaði sem fangavörður í útrýmingarbúðum í síðari heimsstyrjöldinni.

Demjanjuk var framseldur frá Bandaríkjunum í vor en fjölskylda hans barðist hatrammlega gegn framsalinu. Demjanjuk hafði búið í Bandaríkjunum allt frá sjöunda áratug síðustu aldar.

Lögfræðingar Demjanjuk, sem er 89 ára, vildu meina að hann gæti komið fyrir rétt af heilsufarsástæðum. Ekki hefur verið ákveðið hvenær réttarhöldin hefjast.