Víetnamar öflugir í heimabrugginu

Bruggun alls konar korn- og hrísgrjónabrennivíns er nánast þjóðaríþrótt í Víetnam og nú er svo komið að aðeins fjögur prósent þess áfengis, sem Víetnamar neyta, er innflutt.

Annað sem ýtt hefur undir að menn taka til við að búa til sitt eigið áfengi er sú staðreynd að óprúttnir kaupmenn drýgja oft tekjurnar með því að selja óáfenga drykki sem áfengi í verslunum sínum, eins konar falsað áfengi.

Þetta þykir auðvitað fyrir neðan allar hellur í hvaða landi sem er og hvergi er að finna annað eins kjörlendi fyrir áfengisbruggun og víetnamskt dreifbýli enda búa 72 prósent þjóðarinnar utan þéttbýlis og hafa aðgang að úrvals víngerðarhráefnum.

Sömu sögu er ekki að segja af opinberum áfengisframleiðendum. Þótt árleg framleiðslugeta þeirra sé 100 milljónir lítra er tækjabúnaðurinn svo gamall að víetnamskir drykkjumenn kjósa miklu frekar eigin framleiðslu og skál fyrir því.