Brauðmylsna stöðvaði dómsdagsvélina

Einhver dýrasta vél sem hefur verið smíðuð í vísindaskyni bilaði á dögunum eftir að mávur missti brauðmola ofan í hana. Um er að ræða háþróaða vél sem kostar þúsundi milljarða og er ætlað að endurskapa aðstæður þegar stóri hvellur varð.

Vísindamenn sem smíðuðu vélina voru gagnrýndir harðlega þegar hún var fyrst gangsett á síðasta ári, þá trúðu margir að hún myndi leiða tortímingu yfir jörðina. Svo varð þó ekki og mannkyninu var óhætt - í bili.

Vélin er staðsett hundrað metrum neðanjarðar nærri Sviss.Hún skýtur tveimur öreindum inn í risastór göng og þar mætast þær. Afleiðingar árekstursins á að líkjast því þegar jörðin varð til.

Þessi mikla vél virðist þó ekki vera betur byggð en svo að brauðmylsna mávsins stöðvaði hana. Vísindamenn áttuðu sig á vandamálinu þegar þeir sáu að hún virkaði ekki eins og hún átti að gera.

Þetta er í annað skiptið sem vélin stöðvast vegna bilanna. Í fyrra skiptið var hún biluð í 14 mánuði vegna helíumleka.