Dalai Lama óttast frekari yfirgang Kínverja í Tíbet

Dalai Lama sagði í dag að Tíbet gæti ekki gefið Kína frekari eftirgjöf, en hann heldur áfram að þrýsta á um rétt Tíbet til sjálfsstjórnar. Hann hefur farið fram á að Kínverjar dragi úr yfirganginn sínum yfir fyrrum heimalandi sínu.

Á blaðamannafundi sagði Dalai Lama að yfirvöld í Kína hafi nú þróast út í það að kalla hann aðskilnaðarsinna, en ítrekaði að hann hefði aldrei farið fram á aðskilnað frá Kína.

„Heimurinn veit að Dalai Lama er ekki að fara fram á sjálfstæði, eða aðskilnað," var haft eftir honum á CBS sjónvarpsstöðinni. Hann er nú í heimsókn í Seattle á fimm daga ráðstefnu um samúð.

Hinn andlegi leiðtogi Tíbeta viðurkenndi að sumir sem fylgi málstað Tíbeta séu ekki sammála aðferðum hans.

Hann sagði fréttamönnum að fundir hefðuátt sér stað milli fulltrúa ríkisstjórnar hans sem er í útlegð, og Kínverskra stjórnvalda, en útskýrði það ekki frekar.

Nýlegar óeirðir í Tíbet gegn fimm áratuga yfirráðum Kína hafa leitt til mótmæla sem hafa truflað framgöngu ólympíueldsins á leið um heiminn á leið til Kína þar sem sumarólympíuleikarnir verða haldnir í sumar.