Robson játar sig sigraðan gegn krabbameininu

Sir Bobby Robson hefur viðurkennt að hann muni tapa baráttu sinni gegn lungnakrabbameininu fyrr frekar en síðar. Þessi 71. árs knattspyrnustjóri segist vera farinn að horfast í augu við dauðann.

„Ég er ákveðinn í að reyna að nýta tímann sem ég á eftir sem best. Ég mun deyja fyrr en síðar. En þannig er bara gangur lífsins, ég hef notið hverrar mínútu," sagði Robson.

Robson var sex áratugi í boltanum, fyrst sem leikmaður með Fulham og enska landsliðinu og síðan sem knattspyrnustjóri bæði á Englandi og erlendis. Þá stýrði hann einnig enska landsliðinu um tíma.

Hann stýrði síðast Newcastle og sinnti einnig starfi sem ráðgjafi fyrir írska landsliðið.