˜Líknarhvaladráp" í Sidney

Ástralir gráta nú hnúfubakskálfinn Colin, sem veittur var líknardauði á grynningum fyrir utan Sidney í gær. Hvalurinn hafði orðið viðskila við móður sína og villst upp á grynningar í grennd við borgina þar sem borgarbúar hafa fylgst með honum síðustu daga.

Þegar ljóst var að hann væri of veikburða til að lifa af var ákveðið að hífa hann upp á ströndina þar sem honum var gefið deyfilyf og hann síðan svæfður.

Fjölmargir hvalavinir mótmæltu aðgerðinni og fullyrtu að kálfinum hefði mátt bjarga.