Wenger: Fengum færi til að skora

„Það voru sex skipti þar sem bara átti eftir að koma boltanum framhjá markverðinum en það tókst ekki. Við fengum fullt af fínum færum til að skora," sagði Arsene Wenger, stjóri Arsenal, eftir tapið gegn Burnley í deildabikarnum.

„Við vorum ekki nægilega traustir í vörninni en það var líf í okkur sóknarlega og við fengum tækifærin til að komast áfram," sagði Wenger sem hélt sér við að tefla fram ungu liði í keppninni. „Margir þessara leikmanna eiga mikið eftir ólært. En þeir sem eiga það skilið munu fá fleiri tækifæri aftur með aðalliðinu á þessari leiktíð," sagði Wenger.