Spyr hvort von sé á meiru og þá hvaðan

15. október 2008 15:04

Guðjón Arnar Kristjánsson, formaður Frjálslynda flokksins, sagði í umræðum um skýrslu forsætisráðherra um stöðu bankakerfisins að fjölmörgum spurningum væri enn ósvarað.

Guðjón Arnar spurði hvort að starfsemi bankanna hafi verið lögleg og eðlileg seinustu vikurnar fyrir fall þeirra og hvort skilanefndir bankanna viti um lánaábyrgðir bankanna í útlöndum. ,,Er vona á meiru og hvaðan?" Þá vildi Guðjón einnig vita hvort að sendinefndin sem er í Moskvu og ræðir um fyrirhugað lán hafi umboð til að ljúka þeim viðræðum.

,,Okkur liggur ekki á að selja bankanna í einkarekstur," sagði Guðjón Arnar. Rætt hefur verið um að lífeyrissjóðirnir kaupi 51% hlut í Kaupþingi og vill hann að ríkissjóður eigi áfram hlut í bankanum. Allt að þriðjung.

Guðjón Arnar lagði til að umræða um aðild að Evrópusambandin verði lögð til hliðar svo hún skaði ekki meira en hún hafi þegar gert. ,,ESB-veiki þingmanna Samfylkingarinnar skaðar okkur öll."

Tengdar fréttir

Björgvin boðar hispurslaust uppgjör

Björgvin G. Sigurðsson þakkaði landsmönnum fyrir vel unnið verk á síðustu dögum í ræðu sinni á Alþingi í dag. Hann sagði afrek hafa verið unnin þegar tókst að halda bankakerfinu gangandi þrátt fyrir efnahagshrunið. Á sama tíma hefðu landsmenn allir haldið stillingu sinni og sýnt æðruleysi frammi fyrir vandanum sem við er að etja. Hann segir mikilvægt að hispurslaust uppgjör fari fram.

15. október 2008 14:31

Aðgerðir Breta mannréttindabrot af verstu sort

Guðni Ágústsson, formaður Framsóknarflokksins, segir aðgerðir breskra stjórnvalda gegn íslenskum fyrirtækjum mannréttindabrot af verstu sótt og vill að breska ríkisstjórnin verði kærð hið fyrsta.

15. október 2008 14:20

Ríkisstjórnin kannar grundvöll málshöfðunar á hendur Bretum

Ríkisstjórnin hefur falið breskri lögmannssstofu að kanna grundvöll málshöfðunar á hendur breskum stjórnvöldum vegna þeirra aðgerða sem þau gripu til í síðustu viku gegn íslenskum fyrirtækjum. Þetta kom fram í máli Geirs H. Haarde forsætisráðherra sem flutti munnlega skýrslu um stöðu bankakerfisins.

15. október 2008 14:12

Krefst þess að auðmenn komi að uppbyggingunni eða sleppi því að koma heim

Steingrímur J. Sigfússon, formaður Vinstri grænna, krefst þess að auðmenn komi heim og leggi þeirri uppbyggingu sem er að hefjast lið. Geri þeir það ekki geti þeir sleppt því að láta sjá sig á götum úti.

15. október 2008 14:03

Mest lesið

Fleiri fréttir