Vaughan úr leik fram yfir áramót

Framherjinn ungi James Vaughan meiddist á hné á æfingu liðsins í vikunni og þarf að fara í uppskurðl. Læknir félagsins segir hann verða frá keppni eitthvað fram á nýtt ár.

Hinn tvítugi Vaughan þykir gríðarlegt efni, en hann hefur verið í vandræðum með meiðsli síðan hann varð yngsti maðurinn í sögu úrvalsdeildarinnar til að skora mark.

Hann getur þó huggað sig við að það er hægra hnéð sem hann meiddist á að þessu sinni, en hingað til hefur vinstra hnéð verið að gera honum lífið leitt.