Sunderland staðfestir fréttirnar

Sunderland hefur staðfest að Roy Keane sé hættur sem knattspyrnustjóri hjá liðinu. Þetta kemur fram á fréttavef BBC.

Keane er fimmti knattspyrnustjórinn sem hættir í ensku úrvalsdeildinni á tímabilnu. Sunderland er sem stendur í átjánda sæti ensku úrvalsdeildarinnar en liðið hefur tapað fimm af síðustu sex leikjum sínum.

Keane tók við stjórn Sunderland í ágúst 2006 og kom Sunderland upp í úrvalsdeildina strax á sínu fyrsta tímabili.

Á þeim tíma hefur hann eytt um 70 milljónum punda í 33 nýja leikmenn, þar af 30 milljónum nú í sumar er hann fékk leikmenn eins og Djibril Ciise, Pascal Chimbonda, Anton Ferdinand, El-Hadji Diouf og George McCartney.

Aðrir knattspyrnustjórar sem hættu hjá sínum liðum á tímabilinu eru Alan Curbishley (West Ham), Kevin Keegan (Newcastle), Juande Ramos (Tottenham) og Harry Redknapp (Portsmouth).