Keane sagður hættur hjá Sunderland

Breska blaðið Independent greindi frá því fyrir fáeinum mínútum að Roy Keane væri hættur hjá enska úrvalsdeildarfélaginu Sunderland.

Leikmönnum félagsins mun hafa verið tilkynnt um þetta í morgun. Blaðið segir að Keane hafi átt í viðræðum við Niall Quinn, stjórnarformann félagsins, undanfarna þrjá daga og að þetta sér niðurstaðan.

Sunderland hefur ekki átt góðu gengi að fagna í undanförnum leikjum og tapaði síðast stórt fyrir Bolton á heimavelli, 4-1. Eftir leikinn sagði Keane sjálfur efast um hæfi sitt til að gegna starfinu áfram.